تا کاتژمێر 6ـى ئێوارە بەشێکى شەقامى 120 مەترى دادەخرێت

وریا فەتاح

لە کاتژمێرى 7ـى ئەم بەیانیەوەن ئاراستەى دەرەوەى شەقامى 120 مەترى لە یەکتربڕى گەزنە تا بەرامبەر فڕۆکەخانەى نێودەوڵەتى هەولێر دادەخرێت و 6ـى ئێوارە دەکرێتەوە.

هاتوچۆى لەهەولێر شۆفێرانى ئاگادارکردووەتەوە کە بەهۆى کارکردن بۆ نۆژەنکردنەوەى شەقامەکە، ئاراستەى دەرەوەى شەقامى 120 مەترى لە یەکتربڕ ی شەقامی گەزنە و بەرزە پردی عەنکاوە تا بەرامبەر فڕۆکەخانەی نێودەوڵەتی هەولێر، دادەخرێت.

داواشکراوە کە شۆفێران ئەوانەى لە شەقامى 120 مەترى بە  ئاراستەى فڕۆکەخانە دەچن، لە شەقامی ژێر بەرزەپردی عەنکاوە و یەکتر بری شەقامی گەزنە ئاراستەیان بگۆرن بەرەو ناو شار شەقامی 100 مەتری و لە شەقامی رەشکین بچنەوە سەر شەقامی 120 مەترى، تا کارى نۆژەنکردنەوەکە تەواو دەبێت.