“چۆن دەبیتە یاریزانێکی باشی تۆپی پێ” بڵاوکرایەوە

964+

هێژا خەسرەو- هەولێر

راهێنەرێکی تۆپی پێ کتێبێکی وەرزشی سەبارەت بە فێربوونی تۆپی پێ بڵاوکردەوە.

لە هەولێر و لە هۆڵی بەڕێوبەرایەتیی گشتیی وەرزش، قەیس نەجمەدین، کە راهێنەری تۆپی پێیە لە وڵاتی نەرویج، کتێبێکی وەرزشی بە ناوی “چۆن دەبیتە یاریزانێکی باشی تۆپی پێ”، بڵاوکردەوە، کە کاری وەرگێڕانی بۆ کردووە و هەوراز کاوە کاری پێداچوونەوەی بۆ کردووە.

قەیس نەجمەدین کە بە قەیس بلباس ناسراوە، لە لێدوانێکدا بە 964ی وت، “مەبەستمە کچان و کوڕان بە جوانترین شێوە پەروەردە بکرێن و فێری تۆپی پێ بن بە شێوەیەکی زانستی”.

لە ناساندنی کتێبەکەدا، کە وەرگێڕانەکەی زیاتر لە سێ ساڵی خایاندووە و لە 22 بەش پێکهاتووە، سەرۆکی فیدراسیۆنی تۆپی پێی کوردستان و بەشێکی زۆری یاریزانان و راهێنەرانی تۆپی پێی کوردستان ئامادەبوون.

پێداچوونەوە: ئەرسەلان عەبدوڵا