هاوڵاتیەک لە رووباری کەندێ لە قەسرۆک خنکا

964+

زەید کۆچەر – دهۆک

ئێوارەی ئەمرۆ هەینی لە رووباری گوندی کەندێ لە ناحیەی قەسرۆکی سەر بە قەزای شێخان لە پارێزگای دهۆک گەنجیک خنکا و گیانی لەدەستدا.

عەقید ئیبراهیم فەریق، بەڕیوەبەری بەرگری شارستانی ئاکرێ بە 964ی وت، گەنجەکە تەمەنی 41 ساڵە و ناوی یاسین محمد ساڵحە و خێزاندارە و خەڵکی ناحیەی قەسرۆکە.

دوای ئەوەی بۆ مەلەکردن رووی کردووەتە رووباری گوندی کەندێ، خنکاوە و هاوڕێکانی دەریانهێناوە و بردوویانەتە نەخۆشخانە بەڵام گیانی لەدەستداوە.

ئیبراهیم فەریق دەشڵێت، هاوڕێکانی کە دەریانهێناوە پەیوەندییان بە ئەوانەوە نەکردووە وەک بەرگری شارستانی، ئێستا تەرمەکەی رەوانەی پزیشکی دادی کراوە لە دهۆک.

پێداچوونەوە: توانا نەقی