نرخى نەوت لەسەروو 95 دۆلارە

964+

وریا فەتاح

نرخى نەوت جارێکى تر رووى لە بەرزبوونەوە کردەوە، ئەوەش بەهۆى ئەو دۆخە شێواوەى لە گەرووى هورمزدا هەیە.

ئه‌مڕۆ دووشه‌ممه‌ 20.4.2026 نرخی نەوتی برێنت بەرز بووەوە و هەر بەرمیلێک 4.95 دۆلارى چووەسەر و نرخەکەى گەیشتە 95 دۆلار و 33 سەنت.

هاوکات یەک بەرمیل نەوتى تێکساس، 88 دۆلار و 92 سەنت مامەڵەى پێوە کرا و هەر بەرمیلێکى 5.7 دۆلارى چووەسەر.

چاوه‌ڕوان ده‌كرێت گفتوگۆیه‌كانی ئه‌م هه‌فته‌یه‌ی نێوان ئه‌مریكا و ئێران، گۆڕانكاری زیاتر له‌ نرخی نه‌وت دروست بكات، به‌ تایبه‌تی ئه‌گه‌ر هه‌نگاوه‌كان به‌ره‌و رێككه‌وتن و گه‌یشتن به‌ ئه‌نجامێكی باش بێت.

هەموو ئەمانەش لە کاتێکدان، پشێووییەکان لە گەرووى هورمز بەردەوامن و کەشتییە نەوت هەڵگرەکان دڵنیانین و هێشتا هاتوچۆ لەو رێڕەوە ئاوییە سنووردارە.

کردنەوەی هورمز نرخی نەوتی داڕماند