سلێمانی.. چوار تۆن گێزەر دەستی بەسەردا گیرا

هاوبەش ئەبوبەکر

لە سلێمانی دەستگیرا بەسەر چوار تۆن گێزەری خراپبوودا، قایمقامیەتی شارەکەش دەڵێت هەموو گێزەرەکە لە شوێنێکی دوور لە ئاوەدانی لەنێودەبرێت.

گێزەرەکە درەنگانی شەوی رابردوو لە شەقامی هەواری شار دەستیبەسەرداگیراوە و خاوه‌نه‌كه‌ی به‌نیازبوه‌ به ‌نرخی كه‌متر و له‌ سه‌رشه‌قامه‌كان به‌سه‌ر هاوڵاتیاندا ساغیبكاته‌وه‌.

ئەمڕۆ دووشەممە، رێكان جه‌مال، سه‌رۆكی لیژنه‌ هاوبه‌شه‌كانی قایمقامیه‌تی سلێمانی بە 964ی راگەیاند، خاوه‌نه‌كه‌ی رووبه‌ڕووی رێكاری یاسایی ده‌كرێته‌وه‌ و ئوتومبێله‌کەی کە بارهەڵگرێکە ره‌وانه‌ی به‌ڕێوه‌به‌رایه‌تی هاتوچۆی ناوشار ده‌كرێت بۆ گرتنه‌به‌ری رێكاری یاسایی به‌رامبه‌ری.

پێشتریش لە سەرەتای مانگی ئایاردا، لیژنەکانی قایمقامیەتی سلێمانی لە بازاڕی شارەکە، دەستیانگرت بەسەر سێ تۆن و 750 کیلۆگرام گێزەری خراپبوودا.