دێربیی مانچێستەر لە لەندەن دەکرێت. فۆتۆ: سۆشیال میدیا
ئه‌مڕۆ هه‌ردوو مانچێسته‌ر یاریی كۆتایی جامی ئینگلته‌را ده‌كه‌ن
964+
ئه‌رسه‌لان عه‌بدوڵا
له یاریی كۆتایی جامی یه‌كێتیی ئینگلته‌را، هه‌ردوو یانه‌ی مانچێسته‌ر یونایتد و مانچێسته‌ر سیتی رووبه‌ڕوو ده‌بنه‌وه و یاریی 191ی نێوانیان دێته ئه‌نجامدان.
ئه‌مڕۆ شه‌ممه كاتژمێر 05:00 به كاتی هه‌ولێر، له یاریگه‌ی وێمبڵی له له‌نده‌ن، یاریی كۆتایی ئه‌م وه‌رزه‌ی جامی یه‌كێتیی یانه‌كانی ئینگلته‌را “FACUP” له نێوان هه‌ردوو یانه‌ی مانچێسته‌ر سیتی و مانچێسته‌ر یونایتد به‌ڕێوه‌ده‌چێت.
ئه‌م ئێواره‌ی دێربیی مانچێسته‌ر له شاره‌كه‌ی خۆیاندا ناكرێت و له له‌نده‌ن به‌ڕێوه‌ده‌چێت، چاوه‌ڕێش ده‌كرێت یارییه‌كی به‌هێز و سه‌رنجڕاكێش بێت.
ئه‌م وه‌رزه هه‌ردوو یانه له خولی نایاب “پرێمه‌رلیگ” دوو جار رووبه‌ڕووبوونه‌وه، له یاریی یه‌كه‌مدا مانچێسته‌ر سیتی له یاریگه‌ی خۆی به ئه‌نجامێكی گه‌وره و به 6-3 گۆڵ بردییه‌وه، له یاریی دووه‌مدا مانچێسته‌ر یونایتد به 2-1 گۆڵ بردنه‌وه‌ی تۆمار كرد.
به پێی ئاماره‌كانی ماڵپه‌ڕی وایڵد ستاتس، هه‌ردوو یانه تا ئێستا 190 یارییان به‌یه‌كه‌وه كردووه، 79 بردنه‌وه بۆ مان یونایتد و 58 بردنه‌وه بۆ مان سیتی، هه‌روه‌ها له 53 یاریشدا یه‌كسان بوون.
پێكهاته‌ی پێشبینیكراو
ماڵپه‌ڕی هو سكۆرد پێشبینیی كردووه پێكهاته‌ی هه‌ردوو یانه بۆ یاریی ئه‌مڕۆ به‌م شێوه‌یه بێت:
مانچێسته‌ر سیتی:
گۆڵپارێز: ستیفان ئۆرتێگا
بەرگری: ناتان ئاکێ، رۆبن دیاز، مانوێل ئاکانجی، جۆن ستۆنز
ناوەڕاست: گرێلیش، رۆدری، بێرناندۆ سیلڤا، دی برۆین و گۆندۆگان
هێرشبەر: ئێرلینگ هالاند
مانچێستەر یونایتد
گۆڵپارێز: دەیڤد دی خیا
بەرگری: لۆک شاو، رافایل ڤاران، لیندێلۆف، وان بیساکا
ناوەڕاست: کاسیمیرۆ،کریستیان ئێریکسن،برۆنۆ فێرناندێز، گارناچۆ
هێرشبەر: جادۆن سانچۆ، مارکوس راشفۆرد.