دوو کارمەندی کارەبا لەکاتی جێبەجێکردنی پرۆژەکە. فۆتۆ: فەیسبووکی کارەبای سلێمانی
بە 116 ملیۆن دینار گوندێکی پێنجوێن رووناک دەکرێتەوە
964+
هاوبەش ئەبوبەکر
زیاتر لە 116 ملیۆن دینار بۆ پرۆژەیەکی گواستنەوەی کارەبا لە پێنجوێن خەرج دەکرێت و گوندێکی ئەو سنوورەی پێ رووناک دەکرێتەوە.
بودجەی پرۆژەکە لەسەر داهاتی 8%ی کارەبای سلێمانی دابین دەکرێت و بڕیاره له ماوه‌ی 120 رۆژدا ته‌واو بكرێت.
بەڕێوەبەرایەتیی کارەبای سلێمانی، ئەمڕۆ چوارشەممە لە فەیسبووک رایگەیاند، پرۆژه‌كه بریتییه له “گه‌یاندنی كاره‌با بۆ گوندی زه‌نگیده‌ر له پێنجوێن”، كۆی بودجه‌كه‌شی بڕی 116,392,800 دینارە.
کۆمپانیای “ژیکاڵ” کاری جێبەجێکردنی بۆ دەکات و بە سەرپەرشتى بەڕێوەبەرایەتیى دابەشکردنى کارەباى سەیدسادق دەبێت.