بەغدا لە 20 رۆژدا 800 ملیار دیناری بۆ هەرێم ناردووە

كوردستان ئەحمەد

لە ماوەی 20 رۆژی رابردوودا، حكومەتی عێراق 800 ملیار دیناری خستووەتە سەر هەژماری بانكی حكومەتی هەرێمی كوردستان.

ئەو بڕە پارەیە بە سێ وەجبە نێردراوە، جارێک 400 ملیار دینار و دوو جار 200 ملیار دیناری هاتووە.

800 ملیار دینارەکە لە 9 و 18 و 22ی ئەم مانگەدا هاتووە، بە قسەی وەزارەتی دارایی هەرێمی کوردستان.

هونەر جەمال، بەڕێوەبەری راگەیاندنی وەزارەتی دارایی و ئابووری حكومەتی هەرێمی كوردستان بە 964ی وت، “سەرجەم ئەو پارەیە بۆ دابەشکردنی موچە سەرفکراوە و سەرفدەکرێت”.

دوو مانگ دەبێت، بە بڕیاری دادگای ناوبژیوانی پاریس هەناردەی نەوتی هەرێم بۆ دەرەوە راگیراوە، حكومەتی عێراق و حكومەتی هەرێمی كوردستان لەسەر ئەوە رێككەوتنێكی سەرەتاییان كردووە، تا هەناردەی نەوت دەستپێدەكاتەوە، بەغدا مانگانە 400 ملیار دینار بۆ هەرێمی كوردستان دەنێرێت.