دوو ماسیگر رفێندراون و تەنیا یەکێکیان رزگاری بووە

964+

سەعید محەمەد – هەولێر
دوێنێ 28.4.2023  دوو هاوڵاتی بە مەبەستی راوەماسی چوونەتە زێی گوێر دواتر لەلایەن چەکدارانی نەناسراوەوە دەستگیر دەکرێن، یەکێکیان کوژراوە و ئەوەی تریش بە  دەست بەستراوی خۆی رزگار کردووە.
عەمید کوردۆ سوارە، بەڕێوەبەری ئاسایشی خەبات بە 964ی راگەیاند: دوێنێ دوو هاوڵاتی کورد بە مەبەستی راوەماسی چوونەتە زێی گوێر دواتر لەلایەن چەکدارانی نەناسراوە یەکێکیان کوژرا و ئەوەی تریش رزگاری دەبێت گومان دەکرێت چەکدارانی رێکخراوی داعش بن.
وتیشی: هاوڵاتی دووەم دەستی دەبەسترێتەوە و خۆی رزگار دەکات و هەڵدێت، کەیسەکە تا ئێستا لە ژێر لێکوڵینەوەیە و تەواوی زانیارییەکان ئاشکرا نیە، چۆن دەستگیر کراون و کوژراون.