"سەربازەکان خۆیان حەشارداوە"
لە بنکەیەکی سەربازی ئەمریکا لە بەریتانیا جموجوڵی نائاسایی درۆن هەبووە
964+
بڵند عەلی – بەریتانیا
لە ئاسمانی بنکەیەکی سەربازی ئەمریکا لە بەریتانیا جموجوڵێکی نایاسایی و رێگەپێنەدراوی درۆن هەبووە و ئاگادارکردنەوە بۆ سەربازەکانی بنکەکە نێردراوە کە دەستبەجێ بچنە پەناگەکان بۆ خۆحەشاردان.
دوێنێ هەیینی 13.11.2026 لە بنکەی ئاسمانی لەیکنهارت لە ناوچەی سەفۆک لە بەریتانیا زەنگی ئاگادارکردنەوە لێدراوە و بەپەلە پەیام بۆ سەربازەکان نێردراوە “بچنە نزیکترین پەناگە بۆ خۆحەشاردان.”
وتەبێژێکی سوپای ئەمریکا لەبارەی رووداوەکەوەرایگەیاند، “هیچ مەترسییەک نییە و رووداوەکە کۆنتڕۆڵکراوە، تەنیا جموجوڵێکی گومانی رێگەپێنەدراوی درۆن بووە.”
هاوکات وەزارەتی بەرگریی بەریتانیاش هاتە سەر خەت و وتی: هەمووشتیک سەلامەتە و هیچ زیانێکی گیانی و ماددی لە رووداوەکەدا نەبووە
سوپای ئەمریکا و بەریتانیا هیچ زانیارییەکی دیکەیان لەسەر رووداوەکە بڵاونەکردووەتەوە کە ئایا تەنیا یەک د رۆن یان چەند درۆنێک بوون، یان چ لایەنێک درۆنەکەی کۆنتڕۆڵکردووە و لەکوێوە ئاراستەکراوە.
پێداچوونەوە: کاکەلاو عەبدوڵا