“هەتا مردن جێیناهێڵم و هەتا بتوانم خزمەتی دەکەم”

دیلان محەمەدجەزا – سلێمانی

مام حاجییەکی قسەخۆش پیرۆزبایی یادی شارە حەیاتەکە لە دانیشتووانی سلێمانی دەکات و دەڵێت، “هەتا مردن جێیناهێڵم و هەتا بتوانم خزمەتی دەکەم”

حاجی غەریب بەئەسڵ خەڵکی شارباژێرە و لە هەشتاکانەوە لە سلێمانی دادەنیشێ، لەبەردەم مزگەوتی گەورە و بەدەم مامەڵەی تەسبیحەوە قسەی بۆ مایکی 964 کردووە و دەڵێت، “سیفاتە باشەکانی سلێمانی و خەڵکەکەی ئەوەندە زۆرن بە من تەواو نابن”.

“سلێمانی هەرچی شتی چاکە پێی بەخشیوین، هەم لە بواری زانست و هەمیش لە بواری دارایی”، حاجی غەریب وادەڵێت.

وەک دەڵێت، خەڵکی سلێمانی میللەتێکی میواندۆست و نیشتمانپەروەرن و رقیان لە هیچ کەسێک نییە.

ئەمڕۆ 14.11.2026 تەمەنی سلێمانی، شارە حەیاتەکە بووە 242 ساڵ و چەند چالاکییەک بەو بۆنەیەوە ئەنجام دەدرێن.

پێداچوونەوە؛ شۆڕش قادری