"لەپڕ نوقم بووین"
رزگاربوویەکی لافاوەکەی هەولێر: بە حەبل رزگاریان کردم
964+
کۆسرەت ئەحمەد – هەولێر
رزگاربوویەکی لافاوەکەی هەولێر کە بە حەبل دەربازیان کردووە دەڵێ، لە سڵایدی سەیارەکەی هاتووەتە دەرەوە و بە مەلەکردن توانیوویەتی بگاتە قەراغی شەقامەکە.
ئەو هاوڵاتییە ساتی کۆبوونەوەی ئاو لە بەرزە پردی شۆڕش لای مزگەوتی جەلیل خەیات هەولێر بۆ 964 دەگێڕێتەوە و دەڵێ، لەپڕ باراناو کۆبوویەوە و پردەکە پڕ ئاو بوو، هەر لەوێ خۆی و ژمارەیەک سەیارە نوقمی ئاوەکە بوون.
بە قسەی ئەو رزگاربووە، نزیکەی 15 ئۆتۆمبێل تائێستاش لەژێر پردەکە ماون و لەگەڵ کەمبوونەوەی ئاوەکە رەنگە سەر و سۆراغی ئەوانیش دەربکەوێ.
پێداچوونەوە: ئەحمەد مستەفا