وتەبێژی پۆلیسی گەرمیان بۆ 964:
“دوو تەرم لەناو دوکانێکی پیشەسازی کەلار دۆزراونەتەوە”
964+
میلاد جەلال – گەرمیان
لەناو دوکانێکی پیشەسازی کەلار دوو تەرم دۆزراونەتەوە، تەمەنیان سەروو 30 ساڵە و هێشتا هۆکاری رووداوەکە نەزانراوە.
سۆران محەمەد غەریب وتەبێژی پۆلیسی گەرمیان بە 964ـی وت، “ئەمڕۆ یەکشەممە 1.11.2026 تەرمی دوو کەس لەناو دوکانێکی ناوچەی پیشەسازی کەلار دۆزراونەتەوە و ئاسەواری فیشەکی دەمانچە بە جەستەیانەوە دیارە”.
ئاماژەی بەوەشکرد، تەمەنی ئەو دوو کەسە لەسەروو 30 ساڵەوەیە، هێشتا هۆکار و پاڵنەری رووداوەکە دیار نییە و لێکۆڵینەوەکان لەوبارەیەوە بەردەوامە.
پێداچوونەوە؛ شۆڕش قادری