بارانبارین دەستپێدەکاتەوە و جەوەکە فێنکتر دەکات

شۆڕش قادری

لە سبەینێوە نمەباران لە بەشێک لە ناوچەکانی کوردستان دەستپێدەکاتەوە و جەوەکە فێنکتر دەکات.

وەک کەشناسی کوردستان پێشبینی کردووە، ئەمڕۆ یەکشەممە 1.11.2026 ئاسمان ساماڵ و پەڵەهەور دەبێ  و لە هەندێك کات و شوێن دەگۆڕێت بۆ نیمچە هەور.

بەڵام بۆ سبەی دووشەممە، بەهۆی کاریگەری نزمە پاڵە پەستۆیەک لە سەر کوردستان،  سەرەتا لە ناوچە سنوورییەکان نمەبارانی پچڕ پچڕ دەستپێدەکات، دواتر لە کاتەکانی نیوەڕۆ و دوای نیوەڕۆ  دەگاتە سنووری ئیدارەی سەربەخۆی زاخۆ و پارێزگای دهۆک و ناوچە شاخاوییە بەرزەکان و باشووری پارێزگای هەولێر و بەشێک لە ئیدارەی سۆران.

هەر سبەینێ لە هەندێک لە ناوچە جیاجیاکانی سنووری پارێزگای سلێمانی و هەڵەبجە و بەشێک لە کەرکوکیش ئەگەری نمەباران دەبێت.

لەگەڵ ئەوەشدا پلەی گەرما یەک بۆ سێ پلە نزم دەبێتەوە و جەوەکە فێنکتر دەبێ.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 26 پلەی سیلیزی

پیرمام: 23 پلەی سیلیزی

سلێمانی: 24 پلەی سیلیزی

هەڵەبجە: 24 پلەی سیلیزی

چەمچەماڵ: 27 پلەی سیلیزی

دهۆک: 26 پلەی سیلیزی

زاخۆ: 26 پلەی سیلیزی

ئاکرێ: 26 پلەی سیلیزی

گەرمیان: 30 پلەی سیلیزی

حاجی ئۆمەران: 18 پلەی سیلیزی