نزیکەی 100 کەس لە فێستیڤاڵی بەرواری باڵا ژەهراوی بوون – وێنە؛ تەندروستی دهۆک
چەند حاڵەتی برینداربوون و نەخۆشی دیکەش هەبووە
نزیکەی 100 کەس لە فێستیڤاڵی بەرواری باڵا ژەهراوی بوون
شۆڕش قادری
لە ماوەی سێ رۆژی فێستیڤاڵی بەرواری باڵا نزیکەی 100 کەس ژەهراوی بوون و ژمارەیەکی دیکەش تووشی پەتا و سەرئێشە و شکاوی بوونەتەوە.
بەڕێوەبەرایەتی گشتیی تەندروستی دهۆک چەند وێنەیەکی بەدەمەوەچوونی تیمەکانیانی لەکاتی بەڕێوەچوونی فێستیڤاڵی بەرواری باڵا داناوە و دەڵێت، لەو سێ رۆژەدا 340 نەخۆشیان چارەسەر کردووە.
تەندروستی دهۆک ئامارەکەی بەم شێوەیەی بڵاوکردووەتەوە؛
ژەهراویبوون؛ 98 حاڵەت
سەرئێشان؛ 50 حاڵەت
پێوەدانی مێروو و حەشەرات؛ 50 حاڵەت
ئەنفلۆنزا؛ 28 حاڵەت
دابەزینی زەخت (فشارخوێن)؛ 27 حاڵەت
بەرزبوونەوەی زەخت (فشارخوێن)؛ 22 حاڵەت
گێژبوون؛ 17 حاڵەت
هەوکردنی لەوزەتێن؛ 15 حاڵەت
سووتان؛ 10 حاڵەت
برینداربوون؛ 9 حاڵەت
بەرزبوونەوەی تا؛ 6 حاڵەت
رووداو حاڵەتی دیکە؛ 8 حاڵەت
فێستیڤاڵی بەرهەمە خۆماڵییەکان لە دەڤەری بەرواری باڵا بەڕێوەدەچێت و خەڵکێکی زۆر لە هەموو کوردستان روویان تێکردووە.
