پەتاتە گرانبووە و کەمبووتەوە لە بازاڕدا

رازاو محەمەد – سلێمانی

بەهۆی هاوردە نەكردنیەوە پەتاتە كەم دەبینرێت لە عەلوەی سلێمانی و نرخەكەشی 1500 دینار لەسەر هاوڵاتیان دەكەوێت.

سەروەر عەلی سەرۆکی لیژنەی کشتوکاڵی لە عەلوەی سلێمانی بە 964ـی وت، ئێستا وەرزی پەتاتە نییە ئەوەشی هەیە لە ساردکەرەوەکناد هەڵگیراوە و دەخرێتە بازاڕەوە بۆیە نرخەکەی گران بووە.

وتیشی، لە عەلەوە کیلۆی دەگاتە 850 دینار و لەسەر هاوڵاتیانیش کیلۆی 1500 دینار دەوەستێت.

پێداچوونەوە: توانا نەقی