دیمەنێک لە درۆن - وێنە: ئەرشیف
لە ئاوە هەرێمییەکانى ئیماران
ئیمارات درۆنێکى ئێرانى خستە خوارەوە
وریا فەتاح
وەزارەتی بەرگریی ئیمارات رایگەیاند، هێزە ئاسمانییەکانی وڵاتەکەی لە ئاوە هەرێمییەکانى سنوورى ئیماران رووبەڕووی فڕۆکەیەکی بێفڕۆکەوانى ئێرانى بووەتەوە و خستوویانەتە خوارەوە.
لە راگەیەندراوەکەدا، وەزارەتی بەرگریی ئیمارات جەختی کردەوە کە هێزە چەکدارەکانیان لە بەرزترین ئاستی ئامادەباشیدان بۆ رووبەڕووبوونەوەی هەر جۆرە هەڕەشەیەک، هەروەها سیستەمەکانی بەرگریی ئاسمانی بەردەوامن لە چاودێریکردن و پاراستنی ئاسمانی وڵات بە شەو و رۆژ.
وەزارەتەکە داوا لە هاووڵاتییان و رای گشتی دەکات سەرچاوەی هەواڵەکانیان تەنیا زانیارییە رەسمییەکانی دەوڵەت بێت و لە بڵاوکردنەوەی دەنگۆ و زانیاریی ناڕاست بەدوور بن.