کفری خۆی بۆ رووبەڕووبوونەوەی لافاو حازر دەکات – وێنە؛ قایمقامیەتی کفری
هێشتا هیچ خەبەرێک لە باو و بۆران نییە
کفری هەر لەئێستاوە خۆی بۆ لافاو حازر دەکات
964+
شۆڕش قادری
هێشتا هیچ خەبەرێک لە بارانبارین نییە، قەزای کفری خۆی بۆ رووبەڕووبوونەوەی لافاو حازر دەکات.
قایمقامیەتی قەزای کفری چەند وێنەیەکی کارکردنی شۆفڵ و گەڵابەکانی داناوە و نووسیویەتی، رۆژانی 17 و 18ـی ئەم مانگە لە دیوانی قایمقامیەت کۆبوونەوەیەک لەگەڵ شارەوانی کفری و بەڕێوەبەرانی هەردوو کۆمپانیای ئانزۆ کۆنسترەکشن و خاکی عەفرین ئەنجام دراوە و بڕیاردراوە بە پێکهێنانی تیمێکی هاوبەش بە سەرۆکایەتی قایمقامی قەزای کفری بۆ رووبەڕووبوونەوەی لافاو.
ئەمڕۆ چوارشەممە 19.8.2026 وەک ئامادەکارییەک بۆ رووبەڕووبوونەوەی لافاو پێش وەرزی بارانبارین و جێبەجێکردنی راسپاردەکانی کۆبوونەوەکە، لەڕێی تیمە هاوبەشەکان و ئامێری لایەنە پەیوەندیدارەکانەوە، دەستکراوە بە گرتنەبەری رێکارە پێویستەکان و پاککردنەوەی چەم و رێڕەوه ئاوییەکان و توندوتۆڵکردنی بەربەستەکانی لافاو.
