پارتی ئازادی کوردستان:
“بە چوار درۆن هێرش کرایە سەر بارەگاکەمان”
964+
شۆڕش قادری
پارتی ئازادی کوردستان (پاک) کە پارتێکی رۆژهەڵاتی کوردستانە رایگەیاند، بە چوار درۆن هێرش کراوەتە سەر بارەگاکەیان لە پارێزگای هەولێر.
پارتی ئازادی کوردستان ڤیدیۆیەکی هێرشەکەی داناوە کە ئاگر لە پوش و پەڵاش بەربووە و نووسیویەتی، “هەر ئێستا بە چوار درۆن هێرش کرایەسەر بارەگای چەمشاری سوپای میللی کوردستان و بنکەی پاکشاری پارتی ئازادیی کوردستان.”
هەفتەی رابردووش هێرش کرایە سەر بارەگای پارتی ئازادی کوردستان و چەند پێشمەرگەیەکی ئەو حزبە بە سەختی برینداربوون.