لە بنارى قەندیل
بە تەقەى سوپاى پاسداران شوانێک بریندار بوو
964+
فەرمان مەلا حەسەن- ئیدارەى راپەڕین
بەهۆى تەقەى سوپاى پاسدارانى ئێران، شوانێکى تەمەن 69 ساڵى یەکێک لە گوندەکانى ناحیەى ژاراوە لە سنوورى قەزاى پشدەر، بریندار بوو.
راستى زوودى، لێپرسراوى نەخۆشخانەى فریاکەوتنى قەڵادزێ لە 964ـى راگەیاند، شوانەکە ناوى (وسو حەسەن) کە تەمەنى 69 ساڵە، بە بریندارى گەیەنرایە فریاکەوتنى قەڵادزێ.
بەوتەى راستى زوودى، شوانەکە لە یەکێک لە ناوچەکانى بنارى قەندیل بە تەقەى راستەوخۆى سوپاى پاسداران بریندار کراوە و گولـلە بەر قۆڵى کەوتووە.
پێداچوونەوە: وریا فەتاح