قوتابخانەیەک هەر حەزدەکەیت تێیدا بخوێنیت

ئەمەل ناجی

مامۆستایەکی هونەر لە قوتابخانەیەکی قەزای خورماڵ دارودیواری کردووە بە تابلۆ و سکێچی هونەری و پێی وایە ئەم کارەی تەنیا رازاندنەوە نییە، بەڵکو کار لەسەر باشکردنی دەروونی قوتابییەکان دەکات.

کاتێک دەچیتە ناو قوتابخانەکە، هەست دەکەی دەچیتە پێشانگەیەکی هونەری و سەیری تابلۆی جیاوازجیاواز دەکەیت، ئەمە کاری مامۆستای ھونەر ھاوکار عومەرە لە ئامادەیی خورماڵی تێکەڵاو.

ئەو دەستی داوەتە کێشانی وێنە و تابلۆی رەنگاوڕەنگ، خەریکی رازاندنەوە و جوانکارییە لە ناو قوتابخانەکەی، ئەو بە 964ی وت، ئەمە تێکەڵبوونی هونەر و پەروەردەیە، بەهێزکردنی ژینگەی فێربوون و هیوابەخشینە.

مامۆستا هاوکار رەنگ و سکێچی جیاواز بەکاردێنێت، دیزاینی جۆراوجۆر و سەرنجڕاکێش دەکێشێت.

ئەو پێی وایە کار لەسەر دەروونی قوتابییەکان دەکات و گەشەپێدانی کولتووری خوێندن و قوتابخانەیە.

مامۆستا هاوکار گرنگی زۆر بە پڕۆژەکەی دەدات و دەڵێت: بەم کارەم هونەر و زانست تێکەڵ دەبن.

پێداچوونەوە: ئەرسەلان عەبدوڵا