کۆبونەوەی ئەمڕۆی پەرلەمان بۆ سبەی دواخرا

964+

ئەرسەلان عەبدوڵا

پەرلەمانی عێراق بڕیاری دا دانیشتنی ئەمڕۆی بۆ سبەی دووشەممە دوابخات، هەرچەندە لە دانیشتنی ئەمڕۆدا خوێندنەوەی یەکەمی بۆ یاسای پێشنیارکراوی خزمەتی نیشتمانیی تەواو کرد.

هەروەها ئەنجومەنی نوێنەران خوێندنەوەی یەکەمی بۆ هەمواری پێنجەمی پێشنیارکراوی یاسای ژمارە (63)ی ساڵی 1985ی ئەنجومەنی شێرپەنجەی عێراقی تەواو کرد.

ئەمڕۆ یەکشەممە پەرلەمانی عێراق (ئەنجومەنی نوێنەران) بە سەرۆکایەتی هەیبەت حەلبوسی، 18مین دانیشتنی خۆی ئەنجام دا.

فەرمانگەی راگەیاندنی پەرلەمان لە راگەیاندراوێکدا بڵاویکردەوە کە، “سەرۆکی ئەنجومەنی نوێنەران، هەیبەت حەلبوسی، دانیشتنی ژمارە (18)ی کردەوە، کە شەشەمین خولی هەڵبژاردنە، یەکەم ساڵی یاسادانان، یەکەم خولی یاسادانان”.

ئاماژەی بەوەش کرد، “198 ئەندامی پەرلەمان ئامادەبوون” و دواتریش بڕیاردا بۆ سبەی دووشەممە دوابخرێت.

پێنج کوتلەی پەرلەمانی عێراق قسەی خۆیان کرد