لەسەر رێگای پردێ – دوبز ئۆتۆمبێلەکەیان وەرگەڕا
تەرمی پێنج ئەندامی خێزانێک لە هەولێر بەخاکسپێردران
964+
عەبدولعەزیز خالند – هەولێر
تەرمی ئەو پێنج کەسەی ئەمڕۆ ئۆتۆمبێلەکەیان لەسەر رێگای نێوان پردێ – دوبز وەرگەڕا و گیانیان لەدەستدا، گەڕێندرایەوە هەولێر و لە گۆڕستانی فیردەوس بەخاکسپێردران.
گۆران کەریم کەسوکاری کۆچکردووان بە 964ـی وت، “خەزوورم و کوڕێک و دوو کچی لەگەڵ برازای خەزوورم لە رووداوەکەدا گیانیان لەدەستداوە”.
ئاماژەی بەوەشکرد، دوای نیوەڕۆی ئەمڕۆ ئەو کەسانە ویستوویانە بچنە مەزرعەکەیان لە گوندی سمایل ئاوا، کاتژمێر 2:10 خولەک بەرامبەر گوندی قەیباشی لە سنووری دوبز، ئۆتۆمبێلەکەیان وەرگەڕاوە و تووشی ئەو رووداوە بوون.
پێداچوونەوە؛ شۆڕش قادری
