راگەیەندراوێک لە تۆڕی 964ـەوە
مافی کۆپیڕایتمان لەسەر هەموو بەرهەمەکانمان هەڵگرت
964+
ژوورى هەواڵ
پێمان وایە دۆخی ناهەمواری رۆژئاوای کوردستان قۆناغێکی نوێی لە کاری میدیایی هێناوەتە ئاراوەو پێویستی بە مامەڵەیەکی جیاوازی میدیایی هەیە.
گۆڕانکارییەکان وا دەخوازن کە میدیاکان لە قۆناغی ململانێ و پێشبڕکێکی خێرا بڵاوکردنەوەی زانیاری بێنە دەرەوە.
ئێستا تیمێکی 964 لە رۆژئاوای کوردستان و سات بە سات دیمەن و رووداوەکانی ئەوێ دەگوازنەوە، لەناوخۆی کوردستانیش تۆڕی فراوانی پەیامنێرانمان کاردانەوەی هەموو شارەکانی هەرێمی کوردستان دەگەیەنن بەوەرگران.
بۆ ئەوەی دەنگ و رەنگی رۆژئاوا بگاتە هەموو دنیا، 964 بڕیاریدا مافی کۆپیڕایت لەسەر هەموو ئەو بەرهەمانەی هەڵبگرێت کە پەیوەستن بە رۆژئاوای کوردستان. هەموو کەس و لایەنێک بە تەواوی سەربەستن دیسان بەرهەمەکانمان بەکار بهێننەوە.
تۆڕی میدیای 964
