15یەمین پێشانگای نێودەوڵەتی کتێب لە هەولێر کرایەوە
964+
فەرمان سادق
دوای سێ ساڵ ئەنجام نەدانی، 15ـەمین پێشانگای نێودەوڵەتی هەولێر بۆ کتێب دەکرێتەوە.
ئەمڕۆ چوارشەممە 8.3.2023، 15ـەمین پێشانگای نێودەوڵەتی هەولێر بۆ کتێب کرایەوە و ماوەی 10 رۆژ دەخایەنێت.
لە پێشانگاکەی ئەمساڵ، 350 خانەی چاپ لە 18 وڵاتی عەرەبی و بیانی بەشدارن.
بۆ ئەمساڵ، تۆڕی هەواڵی 964 هاوبەشی میدیایی فەرمی و رێگەپێدراوە و لەناو پێشانگایەکەدا دەیان چاوپێکەوتن و بابەتی میدیایی ئامادە و بڵاو دەکاتەوە.
دوایین پێشانگای کتێب لە هەولێر، ساڵی 2019 بەڕێوەچوو، دوای ئەوەش بەهۆی پەتای کۆرۆناوە چالاکییەکان وەستان.
لە پێشانگایەکەدا چەندین بۆنەی رۆشنبیری و کۆنسێرت و ئێوارەی شیعر بەڕێوەدەچن، جگە لەمەش لەهەر رۆژێکی پێشانگاکەدا نۆ سیمینار ئەنجامدەدرێن.
پێشانگای نێودەوڵەتی کتێب، پێشانگایەکی ساڵانەیە و دەزگای مەدا ساڵانە ئەنجامی دەدات.