دیمەنێک لە مۆنۆمێنتی هەڵەبجە _ وێنە: 964
بەهۆی بەفربارین و سەرما
لە هەڵەبجەش دەوامی خوێندنگاکان بۆ دوو رۆژ راگیرا
964+
شۆڕش قادری
بەهۆی بەفربارین و سەرماوە لە پارێزگای هەڵەبجەش دەوامی خوێندنگاکان بۆ دوو رۆژ راگیرا.
بەڕێوەبەرایەتی گشتی پەروەردەی هەڵەبجە لە راگەیەنراوێکدا بڵاویکردەوە، “بە پشتبەستن بە راپۆرتی کەشناسی، دوای راوێژکردن لەگەڵ پارێزگاری هەڵەبجە و فەرمانگا پەیوەندیدارەکان و یەکە کارگێڕییەکان، بەهۆی دابەزینی زۆری پلەکانی گەرما لە سنوری پارێزگای هەڵەبجە، لە پێناوی پاراستنی سەلامەتیی و تەندروستیی گشتییدا، بڕیارماندا، رۆژانی سبەی 20 و دووسبەی 21ـی ئەم مانگە، لە سەرجەم ناوەندەکانی خوێندنی حکومیی و ناحکومیی، دەوام رابگیرێت”.
پێشتریش پارێزگاری سلێمانی پشووی رۆژانی سێشەممە و چوارشەممەی بۆ قوتابخانە حکومی و ناحکومییەکانی راگەیاندووە.
سبەینێ لەسەرجەم قوتابخانەکانی سلێمانی پشووە
