"بەکارهێنانی مۆبایل قەدەغەیە"
کامێرای چاودێری لە بنکەکانی دەنگدان دانراون
964+
ئەحمەد شەمزین – هەولێر
ئەمڕۆ دەنگدانی تایبەت بۆ هەڵبژاردنی خولی شەشەمی ئەنجومەنی نوێنەرانی عێراق دەستیپێکرد و لە بنکەکانی دەنگدانیش کامێرای چاودێری بۆ کۆنتڕۆڵکردنی هەڵبژاردنەکە دانراوە.
محەمەد جەلال سەرپەرشتیاری تیمی کۆمیسیۆنی باڵای سەربەخۆی هەڵبژاردنەکانی عێراق بە 964ـی وت، “لەناو هەر بنکەیەکی دەنگدان چەند کامێرایەک دانراون کە چاودێری هاتن و چوونی دەنگدەران دەکەن و بۆ ئەوەی لەکاتی روودانی هەر حاڵەتێکی نەخوازراو کەڵک لەو کامێرایانە وەربگرین”.
ئاماژەی بەوەشکرد، هێنانی مۆبایل بۆ ناو بنکەکانی دەنگدان ئاساییە، بەڵام بەکارهێنانیان قەدەغەیە.
پێداچوونەوە؛ شۆڕش قادری
