تاسلوجە
لە رووداوێکى دڵتەزێنى هاتوچۆدا باوکێک و کوڕەکەى گیانیان لەدەستدا
964+
دیلان محەمەدجەزا- سلێمانى
رووداوێکى دڵتەزێنى هاتوچۆ کە ئەم دوانیوەڕۆیە لە شارۆچکەى تاسلوجە روویدا، باوکێک و کوڕەکەى گیانیان لەدەستدا.
مقەدەمی هاتوچۆ بەهمەن عەبدوڵا وتەبێژی هاتوچۆی سلێمانی بە 964ـى وت،”ئەم دوانیوەڕۆیە لە شارۆچکەى تاسلوجە، ئۆتۆمبیلێکى جۆرى ئۆپڵ خۆى کێشاوە بە ئۆتۆمبێلێکى چوار تۆنیدا و لە ئەنجامدا شۆفێرى ئۆتۆمبێلەکە و جگەر گۆشە چوار ساڵییەکەى، گیانیان لەدەستداوە”.
داواش دەکات، شۆفێران پابەندى یاسا و رێنماییەکانى هاتوچۆبن تا بەدوربن لەو رووداوە ناخۆشانە و سەروماڵى هاوڵاتیان بە پارێزراوى بمێنێتەوە.
پێداچوونەوە: وریا فەتاح
