سێ ماتۆڕدز لە قەڵادزێ دەستگیر کران

964+

شۆڕش قادری

سێ دزی ماتۆڕسکیل لە قەڵادزێ دەستگیر کران، تۆمەتبارەکان لەڕێی کامێرای چاودێرییەوە ناسراونەتەوە و دانیشیان بە تاوانەکەیاندا ناوە.

بەڕێوەبەرایەتیی پۆلیسی راپەڕین لە راگەیەندراوێکدا دەڵێت، “لەسەر سکاڵای دوو هاوڵاتی کە بە وتەی خۆیان لە دوو کاتی جیاواز و شوێنی جیاواز ماتۆڕسکیلیان لێ دزراوە، دەستبەجێ هێزەکانمان لە نووسینگەی نەهێشتنی تاوانی پشدەر دەستیان بە لێکۆڵینەوە کرد، دوای لێکۆڵینەوە و بەدواداچوون، بەسوود وەرگرتن لە کامێرای چاودێری، سێ کەسیان دەستگیر کرد”.

ئاماژە بەوەش کراوە، لە لێکۆڵینەوەکاندا تۆمەتباران دانیان بە تاوانەکەیاندا ناوە و وتوویانە ماتۆڕسکیلی سکاڵاکارانیان دزیوە، هاوکات دەستیشگیراوە بەسەر ماتۆڕسکیلێکی دزیاری، کە هی یەکێک لە سکاڵاکارەکان بووە.

پەڕاوی لێکۆڵینەوەش بۆ رووداوەکە رێکخراوە و بە بڕیاری دادوەر و بە ماددەی 446 لە یاسایی سزادانی عێراقی، تۆمەتباران راگیراون و لێکۆڵینەوە لەگەڵیاندا بەردەوامە.

پۆلیس و ئاسایش بەدوای ماتۆڕی دەنگدار و چەکی بێ مۆڵەت دەگەڕێن

لە قەڵادزێ ئاسایش و پۆلیسى هاتوچۆ ماتۆڕەکان سەرژمێر دەکەن