ئۆتۆمبێلێک بە سێ سەرنشینەوە کەوتەناو دەریاچەی دوکان

964+

دیلان محەمەد – سلێمانی

ئۆتۆمبێلێک بە سێ سەرنشینەوە کەوتە ناو دەریاچەی دوکان و سەرنشینەکانی سەلامەتن.

عەمید عادل بەڕێوەبەری پۆلیسی دوکان بە 964ـی وت، “ئۆتۆمبێلێکی جۆری تۆیۆتا ئەڤەلۆن بەهەڵە بەگی داناوە و کەوتووەتە ناو دەریاچەی دوکان، ئۆتۆمبێلەکە سێ سەرنشینی تێدا بووە و سەرجەمیان دەرهێنراون و دۆخیان باشە”.

باسی لەوەشکرد، ئێستا تیمەکانی بەرگری شارستانی و پۆلیس سەرقاڵی دەرهێنانەوەی ئۆتۆمبێلەکەن و ناشزانرێت، ئەو کەسانە کێن و خەڵکی کوێن کە لە ئۆتۆمبێلەکەدا بوون.

پێداچوونەوە؛ شۆڕش قادری

لە دوکان ئۆتۆمبێلێک بە درۆن کرایە ئامانج