تۆمەتباری کوشتن و بریندارکردنی دوو هاوڵاتی دەستگیر کرا - وێنە؛ پۆلیسی سلێمانی
لە سلێمانی
تۆمەتباری کوشتن و بریندارکردنی دوو هاوڵاتی دەستگیر کرا
964+
محەمەد فاتیح
پۆلیسی سلێمانی تۆمەتباری کوشتن و بریندارکردنی دوو هاوڵاتی دەستگیر کرد.
بەپێی راگەیەنراوێکی بەڕێوەبەرایەتی پۆلیسی پارێزگای سلێمانی، دوای ئەوەی بەرەبەیانی ئەمڕۆ هەینى 25.7.2025، ئاگادارکراونەتەوە لە رووداوی کوشتنی هاوڵاتییەک و بریندارکردنی هاوڵاتییەکی تر لە گەڕەکی سەروەری شاری سلێمانی، دەستبەجێ مەفرزەیەکیان چووەتە شوێنی رووداوەکە و کەشف و هێڵکاریان ئەنجامداوە، کوژراوەکە رەوانەی پزیشکی دادوەری کراوە و بریندارەکەش بەمەبەستی چارەسەرکردن گەیەنرایە نەخۆشخانە.
ئاماژە بەوەشکراوە، دوای وەرگرتنی بڕیاری دادوەری تایبەتمەند، پەڕاوی لێکۆڵینەوە بۆ رووداوەکە کراوەتەوە و توانراوە تۆمەتباری رووداوەکە، بەناوی (ئـ، ن، م لە دایکبووی 2004) لەلایەن مەفرەزەکانی نوسینگەی لێکۆڵینەوە لە تاوانەکانی کوشتن دەستگیربکرێت و لەئێستادا تۆمەتباری ناوبراو، بەبڕیاری دادوەر راگیراوە و لێکۆڵینەوە لە دۆسیەکە بەردەوامە.
