ئامارهكانی خۆكوشتن له سلێمانی شۆكهێنهرن
+964
كوردستان ئەحمەد- هەولێر
پۆلیسی سلێمانی دەڵێت، لە ساڵی 2022دا له شارهكهیان 69 كهسیش خۆیان كوشتووه و 41 كەسیش كوژراون، 21047 ههزار تۆمەتباریش رووبەڕووی یاسا كراونەتەوە.
ئهمڕۆ دووشهممه 9ـی كانوونی دووهم، سەركەوت ئەحمەد وتەبێژی پۆلیسی سلێمانی لە كۆنفرانسێكی رۆژنامەوانیدا رایگەیاند، لە ساڵی 2022دا لە سلێمانی 10 هەزار و 637 تۆمەتبار دەستگیرکراون و دراونەتە دادگا.
” ساڵی 2022 له سلێمانی، نۆ هەزار و 303 پەڕاوی لێکۆڵینەوە بۆ تاوانەکان كراوەتەوە، 41 حاڵەتی كوشتن و 69 حاڵەتی خۆكوشتنیش هەبووە، کۆی گشتی تۆمەتبارەکان لە پارێزگای سلێمانی 21047 هەزار تۆمەتبارن، كە لەلایەن پۆلیسی سلێمانییەوە رێوشوێنیان بەرامبەر گیراوەتە بەر”، سەركەوت ئەحمەد وای وت.
ئاماژهی بهوهش دا، 10 هەزار و 409 تۆمەتباری دیکە رێکكاری یاساییان لەگەڵدا گیراوەتەبەر و ئازاد كراون.