پڕۆژەى ئاوى بۆگد...وێنە: بەڕێوەبەرایەتى ئاوى کۆیە
پڕۆژەى بۆگد
دواى 13 کاتژمێر؛ لە کۆیە دابەشکردنى ئاوى ماڵان دەستپێدەکاتەوە
964+
وریا فەتاح
بەڕێوەبەرایەتی ئاوی کۆیە رایگەیاند، دوای 13 کاتژمێر کارکردن بە مۆلیدە، کارەبای نیشتمانی بۆ پڕۆژەی ئاوی بۆگد – کۆیە گەڕێندرایەوە و لە کاتژمێر 4:30ـی ئێوارەوە دەست بە دابەشکردنی ئاو دەکرێتەوە.
وەک ئەوەى بەڕێوەبەرایەتییەکە باسى کردووە، لە کاتژمێر 1:30ـی شەوی رابردوو، بەهۆی لەکارکەوتنی وێستگەی کارەبای ناحیەی ئاشتی، کارەبای سەرەکی پڕۆژەی ئاوی بۆگد – کۆیە بڕاوە.
” بۆ ماوەی 13 کاتژمێر، پڕۆژەکە بە مۆلیدە کاری کرد و ئەو ئاوەی لە حەوزەکانی هەیبەسوڵتان و کێلەخوارە گلدرابووەوە، بەسەر بەشێک لە شاری کۆیەدا دابەشکرا”، ئاوى کۆیە وا دەڵێت.
جەختیش دەکاتەوە، تیمەکانی بەڕێوەبەرایەتی کارەبای کۆیە و کۆنترۆڵی هەولێر، دوای هەوڵێکی زۆر، لە کاتژمێر 4ـی ئێوارە توانیان کێشەکە چارەسەر بکەن و کارەبای نیشتمانی بۆ پڕۆژەکە بگەڕێننەوە.
بەڕێوەبەرایەتى ئاوى کۆیە لە رێگەى پڕۆژەى ئاوى بۆگد و تەقتەق و سێ بیر، لە هەر کاتژمێرێکدا هەزار و 675 مەتر سێجا ئاو بەرهەمدەهێنرێت و بەسەر ماڵاندا دابەش دەکرێت.
بەپێى لێدوانێکى پێشووى بهڕێوهبهرى ئاوى كۆیه کە بۆ 964 داویەتى، زیاتر له 18 ههزار و 300 هاوبهشی ئاو لهناو سهنتهرى قهزاى كۆیه لهسهر هەر دوو پڕۆژەى ئاوى تەقتەق و بۆگد، ئاویان پێدەدرێت.
