لە قەزای بێجی پێکابێک وەرگەڕا و کەسێک گیانی لەدەستدا

964+
سیروان خورشید – دوزخورماتوو

روداوێکی هاتوچۆ لەسنوری قەزای بێجی سەر بەپارێزگای سەڵاحەدین رویدا و کەسێک گیانی لەدەستدا و پێنج کەسی دیکەش برینداربوون.

عەمید موئەیەد عەباس، بەڕێوەبەری هاتوچۆ دەرەکیەکانی سەڵاحەدین بە964ـی وت، جۆری روداوەکە وەرگەڕان بووە، ئۆتۆمبێلێکی جۆری پیکاب لە سەڵاحەدینەوە گەڕاوەتەوە قەزای بێجی و لەسەر رێگای گشتی سەڵاحەدین بەهۆی تیژڕەویەوە کۆنتڕۆڵی لەدەستداوەو وەرگەڕاوە.

شۆفێرەکەی دەستبەجێ گیانی لەدەستداوە و پێنج سەرنشینيش  بریندابوون.

وتیشی “بەهۆی روداوەکەوە جگە لەگیان لەدەستدانی شۆفێرەکە، دوو لە بریندارەکان کە یەکێکیان ژنەو باری تەندروسیان ناجێگیرەو سەرجەمیان دانشتوی شاری موسڵن”.

پێداچوونەوە؛ فەرهاد حەسەن