"هەزار نوسخەی لێ چاپ کراوە"
کتێبێ گەوهەری ناو سەدەف تایبەت بە ژیانی وریا حەمەکەریم بڵاوکرایەوە
964+
شۆڕش قادری
کتێبێ گەوهەری ناو سەدەف کە تایبەتە بە ژیانی رۆژنامەنووسی کۆچکردوو، وریا حەمەکەریم، لە هەڵەبجە بڵاوکرایەوە.
کتێبەکە باس لە ژیانی کۆمەڵایەتی و وێستگە جیاوازەکانی کارکردن، وێنە، وتار و ئەو دۆکیۆمێنتانە دەکات کە لە کاتی مەرگی وریا حەمەکەریم، بۆی نووسرابوون و ئارام شەمێرانی نووسەر لە ماوەی مانگێکدا ئامادەی کردووە و هەزار نوسخەی لێ چاپ کردووە.
دەربارەی گرنگی کتێبەکە ئارام شەمێرانی بە 964ی وت، “گرنگی ئەم کتێبە لەوەدایە، کە وەک کتێبێکی بەڵگەنامەییە لەسەر ژیان و کارەکانی وریا، یەکەمجارە کتێبێکی هاوشێوە لەسەر ژیانی رۆژنامەنووسێک ئامادە و چاپ بکرێت”.
کتێبەکە نافرۆشرێت و دەبەخشرێت، ئەمڕۆ چەند دانەیەکی بەخشرا بە ئامادەبووانی مەراسیمەکە وەک خانەوادەی وریا حەمەکەریم و هاوڕێیانی و کەسایەتیەکانی هەڵەبجە و هەفتەی داهاتووش لە سەیدسادق بڵاودەکرێتەوە.
شەمێرانی هیواشی خواست، سپۆنسەرێک پەیدا ببێت بۆ ئەوەی چاپی دووەمی کتێبەکە لەئەستۆ بگرێت.
سەربەبەیانى رۆژى 6.2.2025، وریا حەمە کەریم پەیامنێر و پێشکەشکاری کەناڵی NRT، بە رووداوێکی هاتوچۆ لەسەر رێگای عەربەت – سلێمانی، گیانی لەدەستدا.
پێداچوونەوە؛ شۆڕش قادری
