لە دهۆک
شووقەیەک سووتا و ژنێک گیانی لەدەست دا
964+
هیڤی دێوالی – دهۆک
لەسەنتەری شایی دهۆک شووقەیەکی نیشتەجێبوون سووتاوە و ژنێک دەستبەجێ گیانی لەدەستداوە، وتەبێژی بەرگری شارستانیش دەڵێت، تەرمەکە رەوانەی پزیشکی دادی دهۆک کراوە.
ئێوارەی ئەمڕۆ سێشەممە 2025.4.1، لەنزیک کاتژمێر 5:45 لەگەڕەکی رەزا لە سەنتەری شاری دهۆک شووقەیەکی نیشتەجێبوون سووتا و ژنێک تەمەنی لە نێوان 30 بۆ 35 ساڵ بە رێژەی 99% سووتا و دەستبەجێ لە شوێنی رووداوەکە گیانی لەدەستدا.
بێوار عەبدولعەزیز، وتەبێژی بەرگری شارستانی دهۆک بە 964ـی وت، تیمی ئاگرکوژێنەوە ئاگادارکراون لە رووداوێکی ئاگرکەوتنەوە لە گەڕەکی رەزا، کە شووقەیەکی نیشتەجێبوون سووتاوە و ژنێک لەناو شووقەکەدا هەبووە.
وتیشی، لەلایەن تیمەکانیانەوە ئاگرەکە کۆنترۆلکرا و ژنێک بەهۆی رێژەی زۆری سووتانی جەستەی دەستبەجێ گیانی لەدەستدا بوو. وتەرمەکەش رەوانەی پزیشکی دادی دهۆک کرا.
باس لەوەشکرد، تیمی بەرگری شارستانی لەگەڵ پۆلیس لێکوڵینەوە لە رووداوەکە دەکەن و تا ئێستا نەزانراوە هوکاری ئاگرکەوتنەوەکە چی بووە.
پێداچوونەوە: توانا نەقی
