964+

شۆڕش قادری

لە بەریتانیا باندێکی هەشت کەسی، دزی لە کۆگایەک دەکەن کە چەند کەسێکیان بە کوردی قسە دەکەن، پۆلیسیش بەدوایاندا دەگەڕێت.

بەپێی گرتەڤیدیۆیەک کە لە میدیاکانی بەریتانیا بڵاوکراوەتەوە، لە شارۆچکەی چاتهام لە ناوچەی کێنت، چەند کەسێک هەڵدەکوتنە سەر کۆگایەکی کەلوپەلی ناوماڵ و تاڵانی دەکەن، لەو کاتەدا یەکێکیان بە کوردی قسە دەکات و هاوار دەکات، “ئەو جیهازە بشکێنە بە تالیبەر، بەدەست نابێ”.

بەقسەی خاوەن کۆگاکە، بایی 100 هەزار پاوەند، ڤەیپی لێ دزراوە، ئاماژە بەوەشکراوە، دزییەکە لە کاتژمێر چواری بەرەبەیاندا روویداوە و پۆلیس و هێزە ئەمنییەکانیش بەدوای دزەکانەوەن.

بەریتانیا "قاچاخچییەکی" کوردی دەستگیر کرد

964+

دەشتی عارف ـ هەولێر

لە گەڕەکی کارێزانی هەولێر، لەکاتی دانانی بۆری ئاو بۆ پرۆژەی فریاگوزاری خێرای گەیاندنی ئاوی هەولێر نزیکەی 15 مەتر چاڵ کە هەڵکەندراوە بۆ ئەوەی بۆرییەکانی بەناو داببەن، بەڵام سەری دانەخراوە و لە ماوەی سێ هەفتەدا چەند هاوڵاتییەک و نزیکەی 10 ئۆتۆمبێلی کەوتووەتە ناوی.

مامۆستا هندرێن، کە خاوەن مارکێتێکە لە نزیک چاڵەکە، بۆ 964 قسەی کرد و وتی، “نزیکەی مانگێکە چاڵەکە هەڵکەندراوە و تا ئێستاش پڕنەکراوەتەوە و جێهێڵدراوە”.

وتیشی، “تا ئێستا چەند هاوڵاتییەک کەوتوونەتە ناوی، ئەوە جیا لەوەی نزیکەی 10 ئۆتۆمبێلیش کەوتوونەتە ناو چاڵەکە، هەر دوێنێ ئۆتۆمبێلێک بە شەو کەوتە ناوی، چونکە هیچ هێمایەکی ئاگادارکردنەوەشی لێ دانەنراوە، تا هاوڵاتیان و شۆفێران ئاگاداربن”.

ئەو چاڵەی لێدراوە، نزیکەی 15 مەتر درێژە و 60 سانتیم پانە و 130 سانتیمیش قوڵە، بە مەبەستی دانانی بۆری ئاو هەڵکەندراوە، بەڵام ئەو بەشەی پڕنەکراوەتەوە و تا ئێستا بە کراوەیی جێهێڵدراوە.

964 هەوڵیدا پەیوەندی بە شارەوانی چوارەوە بکات، تاوەکو هۆکاری کارنەکردن لەو بەشە بزانێت، بەڵام وەڵامی پەیوەندییەکەی نەدایەوە.

پێداچوونەوە: ئەرسەلان عەبدوڵا

+2