964+

میلاد جەلال – گەرمیان

زیاتر لە پێنج مانگە، سایدێکی شەقامی دەروازەی قەزای دەربەندیخان لە بەردەم بەنزینخانەی چیا، بە مەبەستی چاککردنەوەی ھەڵکەندراوە و تا ئیستا چاک نەکراوەتەوە، ئەمەش ئاستەنگی بۆ شۆفێران دروستکردووە.

ئەو بەشە ھەڵکەندراوەی شەقامەکە درێژیەکەی نزیکەی 230 مەترە.

زریان سابیر، سەرۆکی شارەوانی دەربەندیخان بە 964ى وت،”ئەو شەقامە لەسەر بودجەی شارەوانی بڕی 100 ملیۆن دیناری بۆ تەرخانکرا بەمەبەستی نۆژەنکردنەوەی، دوای ھەڵکەندنی شەقامەکە قایمقام ئاگاداری کردینەوە کە چاککردنی ئەو شەقامە بەدەم پرۆژەی ڕێگای کەلار_دەربەندیخانە و کۆمپانیا نۆژەنی دەکاتەوە”.

“نزیکەی 15 ملیۆن دینارمان لە شەقامەکە خەرجکردبوو، بەڵام دواتر بۆئەوەی پارەکە ھەموی بەفیڕۆ نەچێت کارەکانمان راگرت، ئەو پارەیەشی کە مابوویەوە لە شەقامەکانی ناو شار خەرجی دەکەین”، زریان سابیر وای وت.

کۆمپانیای بێشکان لەگەڵ ڕێگای کەلار- دەربەندیخان، ھەردوو سایدی شەقامی دەروازەی دەربەندیخان تا نزیک بازاڕ سەرلەنوێ دروست دەکاتەوە، سەرۆکی شارەوانی وتی، “بەڵام دیار نییە کەی دەست بە کارکردن دەکەن “.

پێداچوونەوە: ئەحمەد مستەفا

بڕیاردرا؛ لە دەربەندیخان سەرجەم شوێنەکانى مەیفرۆشى داخران

زیاتر لە نیو تۆن خۆراکی بەسەرچوو لە دەربەندیخان لەناو برا

964+

ئەحمەد مستەفا

قایمقامیەت سلێمانی چاودێری بەرواری سەر رووی هێلکە دەکات، بڕیاری وایە هەر هێلکەیەک مێژووی دەرچوونی لەسەر نەبێت دەستی بەسەردا بگرێت و لەلایەن لیژنەیەکی راسپێردراوەوە لە ناو ببرێن.

رێژەی بەرهەمی هێلکەی پرۆژەکانی ناوخۆ خواستی هاوڵاتیان پڕدەکاتەوە، قائیمقایەتی سلێمانیش دەڵێ، رێگری لە ساغکردنەوەی هەموو ئەو هێلکانە دەکەن کە بەرێگەی نایاسایی هاوردە دەکرێن و مێژووی دەرچوون و بەسەرچوونیان لەسەر نییە.

ئەو بڕیارە، لە چوارچێوەی کۆبوونەوەی مانگانەی لیژنەی دیاریكردنی بەروبوومی ئاژەڵی و پەلەوەری پارێزگای سلێمانی باسی لێکراوە، کە قایمقامی سلێمانی سەرپەرشتی دەکات، رۆژی یەکشەممە 16.3.2025 لە راگەیەندراوێکدا باسی لەوەکرووە، لە ئێستادا بەرهەمی هێلکەی پرۆژەکانی ناوخۆ لە ئاستێکی بەرزدایە، خواستی هاوڵاتیان و پێداویستی بازار پردەکاتەوە.

ئەوەش بە هەنگاوێکی گرنگ وەسفکراوە، کە پشتگیری لە بەرهەمی ناوخۆ و رێگری لە زیادبوونی نرخی هێلکە دەکات لە سنوری پارێزگای سلێمانی، بۆیە بریاردراوە کە رێگری لە ساغکردنەوەی هەموو ئەو هێلکانە بکرێت کە بەرێگەی نایاسایی هاوردە دەکرێن و مێژووی دەرچوون و بەسەرچوونیان لەسەر نییە.

بۆ جێبەجێکردنی ئەو بڕیارە، قایمقامی سلێمانی لیژنە هاوبەشەکانی راسپاردووە، لەکاتی گەران و پشکنین لەهەر جێگەیەکدا لەو جۆرە هێلکانە بەدیکرا، دەستبەجێ دەستی بەسەردا بگرن و لەناوی ببەن، رێکاری یاساییش لەگەڵ خاوەنەکەیدا بگرنەبەر.

تیمێکی وەزارەتی کشتوکاڵی عێراق پشکنین بۆ هێلکەی كارگەكانی سلێمانی دەکات