964+
پەری ساڵح

هەرچی هەیە و نیە باسی دەکەن، دەمەتەقێی چاوان و توانا لە نۆرادیۆ پڕە لە باس و خواسی کوچە و کۆڵانەکانی کوردستان بە هەواڵی وەرزشی و هونەریشەوە، هەندێ دەردەدڵیش دەکەن لە داخی ئەوەی هەرچی پشوو بێ راگەیاندکاران ناگرێتەوە و لە ئێستاوە دەڵێن بۆ جەژن ئیجازە.

نۆرادیۆ پرۆگرامێکی راستەوخۆی 964 لە شەوانی رەمەزاندا، ئەمشەو گەرمگوڕ بوو هەواڵی باشی تێدابوو، وەک دەڵێن باو باوی کردنەوەی چێشتخانە و باڵە خۆشەکەیە و بووەتە نەریت لەناو هونەرمەندان و کەسە بەناوبانگەکان ئەسڵی بابەتەکەش چێشتخانەکەی عیرفانی وەستا محەمەد بوو، ئەمە جگەلەوەی باسی وەرزش و بەزمەکانی تۆپی پێ دەکەن تواناش دەردەکەوێت هاندەری ریال مەدریدە.

جا چەند باسی بکەین کەمە و باشترە بینەری بەرنامەکە بن و لەگەڵ چەرەس و گەنمەشامی و خواردنی خۆش کاتێکی خۆش بەسەربەرن.

نۆ رادیۆ لە سەرەتای مانگی رەمەزان لە 964 دەستیپێکرد

964+

هیڤی دێوالی-دهۆک

لە مزگەوتێکى شارى دهۆک، 1500 کەس بەیەکەوە نانى بەیانى جەژنیان خوارد.

ئەمرۆ یەکشەممە 2025.3.30 دوای نوێژی جەژن لە مزگەوتی سەیدو نانی بەیانی دانرا و بە وتەى ئیدریس تروانشی یەکێک لە رێکخەراکانی نانی بەیانی جەژن بە964ـی وت،” ئێمە مزگەوتی سەیدومان بۆ ئەوەى نانى بەیانى جەژنى تێدا بخورێت، چونکە یەکێکە لە گەورەترین مزگەوتەکانى شارەکە”.
وەک باسى دەکات، لەلایەن چەند خێرخوازێکەوە نانى بەیانى بۆ هەزار و 500 کەس ئامادەکرا بۆ ئەوەى هاوڵاتیان دواى نوێژ بەیەکەوە نان بخۆن.

نیسک و گۆشتى سوور و ماست و تەحین، ژەمى بەیانى جەژنى مزگەوتەکە بوون، هاوڵاتیان کە نوێژى جەژنیان تەواو کرد، بەیەکەوە دەستیان بە خواردنى کرد.

پێداچوونەوە: وریا فەتاح

+1