خورماڵ دەیەوێت ژینگەكەی پاكوخاوێن بێت و خەڵكەكەش هوشیار ببەنەوە

+964

ئەمەل ناجی

قەزای خورماڵ بەخۆكەوتووە و شەقام و بازاڕەكانی دەشوات و چالاكیی ژینگەیی ئەنجام دەدات، دوای پڕۆژەی شاری پایسكل، ئەمڕۆش چالاكیی جۆراوجۆر لە قەزاكە بەڕێوەدەچێت، ئامانجی گەورەش ئەوەیە هاوڵاتیان هوشیار بكرێنەوە بۆ پاراستنی ژینگە.

سوبحان حوسێن، سەرۆکی رێکخراوی ژینگەی تەندروست بە 964ی وت:” ناتوانین بۆ ھەر کەسێک چاودێرێک دابنێین تا ژینگە پیس نەکات، بۆیە بەم شێوەیە ھوشیاری ژینگەیی بڵاودەکەینەوە، تا خەڵک ھوشیار بکەینەوە و ژینگە پیس نەکات”.

سەلام عەبدولقادر، بەرپرسی ژینگەی بەڕێوەبەرایەتی شارەوانییەکانی ھەڵەبجە، لای خۆیەوە بە 964ی وت: ” ئەمە کاری یەکەمجار نییە، ھەموو دە رۆژ جارێک ناو بازاڕ پاکدەکرێتەوە، ئەمڕۆش لەگەڵ چالاكییەکانی دیکەدا کۆکراوەتەوە،  ناو بازاڕیش شۆردراوە و پاککراوەتەوە”.

دوای شۆردنەوەی بازاڕەکە بە سیمیناری ژینگەیی بۆ قوتابخانەیەک، پێشبڕکێی پایسکیلسواری و چالاکی نەمامچاندنیش ئەنجامدەدرێت.

پێداچوونەوە: ئەرسەلان عەبدوڵا

لە خورماڵ 17 خانم خۆیان لە نەخوێندەواری رزگار کرد