دەستگیرکردنى تۆمەتبارێکى کوشتن لە سلێمانى
دانی بە تاوانەکەيدا ناوە
تۆمەتبارى کوشتنى گەنجەکەى شەوى رابردووى سلێمانى دەستگیرا
964+
وریا فەتاح
پۆلیسى سلێمانى، دەستگیرکردنى تۆمەتبارى کوشتنى گەنجەکەى شەوى رابردووى سلێمانى راگەیاند و دەشڵێت، دانى بە تاوانەکەیدا ناوە.
پۆلیس لە راگەیەندراوێکدا بڵاوى کردەوە، شەوی رابردوو لە گەڕەكی كانی با لە شاری سلێمانی لە رووداوێكدا گەنجێك بە چەقۆ كوژرا و تۆمەتبار رایکرد.
دەشڵێت: دەستبەجێ هێزەكانی پۆلیس گەیشتنە شوێنی رووداوەكە و لێكۆڵینەوە بۆ دۆزینەوە و دەستگیركردنی تۆمەتبار دەستیپێكرد و سەرەنجام توانرا لەلایەن نووسینگەی نەهێشتنی تاوانی كوشتن – بەشی پۆلیسی نەهێشتنی تاوانەوە لە ماوەی كەمتر لە شەش کاتژمێردا تۆمەتبار بدۆزرێتەوە و دەستگیربكرێت .
ئێستا تۆمەتبار ( ل،ت،ح ) بە بڕیاری دادوەر و بەپێی ماددەی 406 لە یاسای سزادانی عیراقی راگیراوە و دانی بە تاوانەكەیدا ناوە.
سەرچاوەیەک لە پۆلیسى سلێمانى بە 964ـى وت،” ئەو کەسەى کوژراوە گەنجێکى تەمەن 17 ساڵە و بە چەقۆ کوژراوە”.
