گیرخواردنی ئۆتۆمبێڵێک لە بەفر. وێنە:964+
بەرگرى شارستانى وا دەڵێت
بەفر دەبارێت نەکەن 7ـى ئێوارە لە دەرەوەبن
964+
وریا فەتاح
بەرگرى شارستانى سۆران ئەو هاوڵاتیانە ئاگادار دەکاتەوەکە بۆ هەر مەبەستێک روویان لە ناوچە شاخاوییەکان کردووە، نەکەن پێش کاتژمێر 7ـى ئێوارە نەگەڕابێتنەوە.
بەپێى ئاگادارییەکە بێت، بەهۆى بارینى بەفر و دابەزینى پلەکانى گەرما بۆ ژێر سفر پلەى سیلیزى و بەستنى رێگاوبانەکان، پێویستە هاوڵاتیان لە پیش کاتژمێر 7ـى ئێوارە هەوڵى گەڕانەوە بدەن.
جەختیش کراوەتەوە، پێویستە ئەو ئۆتۆمبێلانەى دەبردرێن بۆ ناوچە شاخاوییەکان دەبڵ ئەکسلبن و زنجیرى تایەکانیان بەستبێت بۆ ئەوەى توشى گیرخواردن نەبن.
هۆشداریش دەدات لەوەى کە دەبێت هاوڵاتیان خۆیان لە ناوچە سەختەکان، بەدووربگرن.
