گرافیک؛ 964+
له‌سبه‌ینێوه كارا ده‌كرێن
له هه‌ولێر چه‌ند هێڵێكی گه‌رمى په‌یوه‌ندیكردن بۆ پاراستنى ژینگه داده‌ندرێت
964+
فه‌رهاد حه‌سه‌ن
به‌مه‌به‌ستى پاراستنى ژینگه‌ى هه‌ولێر و هاوكاریكردنى هاوڵاتیان، له سه‌بینێوه چه‌ند هێڵێكی گه‌رم بۆ په‌یوه‌ندیكردن بۆ پاراستنى ژینگه‌ى ئه‌م شاره داده‌ندرێت و، فه‌رمانگه‌ى ژینگه‌ش ده‌ڵێت، له سبه‌ینێوه ئه‌م هێلأنه كارا ده‌كرێن.
دڵشاد حوسێن هیرانى، به‌ڕێوه‌به‌رى فه‌رمانگه‌ى ژینگه‌ى هه‌ولێر، به 964ـى راگه‌یاند له‌داوى كۆبوونه‌وه‌كه‌ى ئه‌مڕۆى سه‌رۆكى حكومه‌ت له‌باره‌ى پاراستنى ژینگه‌ى هه‌ولێر ئه‌م بڕیاره دراوه.
وتیشی “له سبه‌ینێوه هێڵه گه‌رمه‌كان ئاماده‌ده‌كرێن و كارا ده‌كرێن”.
هێڵه گه‌رمه‌كان بۆ په‌یوه‌ندیكردنى هاوڵاتیانه كه له‌هه‌ر شوێنێكی هه‌ولێر سه‌رپێچی ژینگه‌ییان بینى راسته‌وخۆ په‌یوه‌ندی به فه‌رمانگه‌ى ژینگه‌ى هه‌ولێره بكه‌ن و ئه‌وانیش رێكارى یاسایی له‌به‌رامبه‌ر سه‌رپێچیكاران ده‌گرێته‌به‌ر.
هه‌ر سبه‌ینێ ئه‌و ژمارانه بۆ هێڵه گه‌رمه‌كه، له‌لایه‌ن فه‌رمانگه‌ى ژینگه‌ى هه‌ولێر بۆ هاوڵاتیان ئاشكرا ده‌كرێن.
له كۆبوونه‌وه‌كه‌ى ئه‌مڕۆى سەرۆکی حکومەتی هەرێم لەگەڵ بەرپرسانی ژینگە و گەشتوگوزار و هەردوو پارێزگاری هەولێر و دهۆک لەسەر پرسی پیسبوونی ژینگە ئه‌م چەند بڕیاره دەرکرا:
یەکەم: لە ئەمڕۆوە هەر پاڵاوگەیەک ، یان هەر کارگەیەک کە لە دەرەوەی مەرج و رێنماییەکان کار بکات و ببێتە هۆی پیسبوونی ژینگە، رێکاری یاسایی بەرامبەر دەگیرێتەبەر.
دووەم: رێگە لە هەر پاڵاوگەیەک یان هەر کەس و لایەنێک دەگیرێت کە سووتەمەنی پیسی ئوتومبێل بەرهەم دێنێت یان بە قاچاخ دەیهێنێت و زیانی تەندروستی هەیە.هەروەها دەبێ سنوورێک بۆ سووتانی گازی هاوەڵ (الغاز المصاحب) لە کێڵگە نەوتییەکان دابنرێت.
سێیەم : دەبێ خاوەنی موەلیدەکانی کارەبا، پابەندی رێنماییەکانی حکومەت بن و فیلتەریان بۆ دەنگ و پیسی هەبێت و هەر کەسێک سەرپێچی بکات، رێکاری یاسایی بەرامبەر دەگیرێتەبەر.
چوارەم: رێگری لە بەکارهێنانی ئاوی پیس و ئاوەڕۆکان بکرێت کە بۆ ئاودانی سەوزە و ئاودێری بەکاردەهێنرێت.
هێڵی 116 بۆ فریاگوزاری منداڵان له‌هه‌رێم كارا كرا
