ئاسایش گومان دەکات
لەنزیک بازاڕی زاخۆ چوار بازرگانی مادەی هۆشبەر دەستگیرکران
964+
شڤان عەبدوڵا – زاخۆ
شەوی رابردوو، پێش کاتژمێر 12:00ی شەو، لە گەڕەکی بەدرخان کە دەکەوێتە سەنتەری شاری زاخۆ، ئاسایش لەهەڵمەتێکدا توانیان چوار بازرگانی مادەی هۆشبەر دەستگیربکەن و گومانیان هەیە تۆڕێکی بەرفراوانی بازرگان لەگەڵیان بێت.
سەرچاوەیەک لە ئاسایشی زاخۆ، کە ویستی ناوی ئاشکرانەکرێت و زانیارییەکانی بۆ 964 خستەڕوو وتی، ئەو چوار کەسانە پێشتر بەکارهێنەر بوون، ئێستا لەژێر لێکۆڵینەوەن و بەدواداچوون بەردەوامە، گومان دەکەین تۆڕێکی بەرفراوان بن.
لەبارەی دەرئەنجامی کارەکانیان، باسی لەوەکرد، دوای پێکهێنانی بەشی نەهێشتنی مادەی هۆشبەر لە ئاسایشی زاخۆ، توانیومانە تا رادەیەکی زۆر کۆنترۆڵی بازرگانیکردن و بەکارهێنانی مادەی هۆشبەر بکەن لە سنووری ئیدارەی سەربەخۆی زاخۆ.
نزیکەی دوو ساڵ دەبێت بەشی نەهێشتنی مادەی هۆشبەر لەزاخۆ پێکهێنراوە و لەچەندین هەڵمەتی جیا جیا توانیویانە ژمارەیەکی زۆری بازرگان و بەکارهێنەر دەستگیربکەن.
بەپێی سۆراغی 964، لەو هەڵمەتانەدا، بەهۆی خۆرادەست نەکردنیان و لە ماوەی کاری بەشەکەدا، دوو کەس لەو بازرگان و بەکارهێنەرانە بەگوللەی هێزە ئەمنییەکان کوژراون.
پێداچوونەوە: ئەحمەد مستەفا
632 كەس بە تۆمەتی "تیر*ۆر* و 1019 تۆمەتباری ماددەی هۆشبەر دەستگیركراون
حەوت کۆمپانیای بازرگانی زاخۆ له‌لایه‌ن عێراقه‌وه له لیستى بلۆككراوه‌كاندان
