دیمەنی دوو ئۆتۆمبێل بە تێکشکاوی بەهۆی رووداوی هاتوچۆوە لەسەر رێگای سەروچاوە.وێنە.هاتوچۆی راپەڕین
228ـیان ماتۆڕسکیل بوون
تەندروستیی چەمچماڵ: 888 برینداری رووداوی هاتوچۆمان هەبووە
+964
ژووری هەواڵ
بەڕێوەبەرایەتیی تەندروستیی چەمچماڵ ژمارەی ئەو بریندارانەی راگەیاند کە ساڵی رابردوو بەهۆی رووداوی هاتوچۆ روویان لە سەنتەری فریاکەوتن و بەشی پێشوازی سالار فەقێ محەمەد کردووە و دەڵێت، 888 کەس بەو هۆیەوە بریندار بوون.
ئەمڕۆ چوارشەممە 8.1.2025، تەندروستیی چەمچەماڵ رایگەیاند، ساڵی رابردوو 33 هەزار و 150 نەخۆش و بریندار لە سەنتەری فریاکەوتنی چەمچەماڵ بینراون و داخلکراون و چاودێری و چارەسەری بەپەلەیان بۆکراوە، لە بەشی پێشوازی سالار فەقێ محەمەدیش 46 هەزار و 818 بینراون و چارەسەریان بۆ کراوە.
ساڵی رابردوو 888 برینداری رووداوی هاتوچۆی هەبووە کە 228ـیان شۆفێر و سەرنشینی ماتۆڕسکیل بوون.
حەوت هەزار و 22 برینداری رووداوی جۆراوجۆری وەک پێوەدانی مار و دووپشک و سوتاوی و شکاوی و بریندار چارەسەرکراون و هەشت هەزار و 456 هێڵکاریی دڵ کراون.
