لە ناحیەی ئیسێوە "کەمێک لەمەوبەر کۆنتڕۆڵ کرا"
ئاگر لە دەڕاسەیەک کەوتەوە و بەرهەمی جوتیارێکی سووتاند
964+
فەرهاد حەسەن
محەمەد گربداغی چالاکوانی پشدەر ڤیدیۆی ئاگرگرتنی دەڕاسەیەکی لە ناحیەی ئیسێوە بلاوکردووەتەوە دەڵێت، تاوەکو ئێستا تیمەکانی بەرگری شارستانی نەگەیشتوونەتە شوێنەکە.
گربداغی بە 964 ی وت، ئاگرەکە لە چاکت (بۆن خۆشە)ی نزیک ناحیەکە لە دەڕاسەکە کەوتووەتەوە و بەرهەمی گەنمی خاوەنەکەشی سووتاندووە.
لایخۆشییەوە مزەفەر ئەحمەد، بەڕێوەبەری ناحیەی ئیسێوە بە 964ی وت، کەمێک لەمەوبەر لەلایەن هاوڵاتیان و تیمەکانی بەرگری شارستانی پشدەر ئاگرەکەیان کۆنتڕۆڵکردووە.
وتیشی “ئاگرەکە هیچ زیانێکی گیانی نەبووە، بەڵام ئەو دەڕاسەیەی کە سەرەتا ئاگرەکەی لێ دەستپێکردبوو، لەگەڵ گەنم و پەرێزی ئەو شوێنەش سووتاوە کە ئاگرەکەی لێ کەوتبووەوە”.