نرخی بەنزین لە سلێمانی 25 دینار دابەزی

ژووری هەواڵ

نرخى هەر سێ جۆرەکەى بەنزین بۆ هەر لیترێک 25 دینار کەمکراوەتەوە، گوتەبێژى بەنزینخانەکانى سلێمانیش دەڵێت، هۆکارەکەی زۆرى بەنزین و کەمبوونەوەى خواستە.

ئەمڕۆ یەکشەممە 29.12.2024، بەهمەن قادر، وتەبێژى بەنزینخانەکانى سلێمانى بە 964ـی وت، “نرخى بەنزین بۆ هەر سێ جۆرەکەى نۆرماڵ و موحەسەن و سوپەر بۆ هەر لیترێک 25 دینار کەمکراوەتەوە،”.

لە سلێمانى یەک لیتر بەنزینى نۆرماڵ لە 950 دینار بۆ 925 دینار و موحەسەن لە 1,150 بۆ 1,125 دینار و سوپەر لە 1,300 بۆ 1,275 بۆ هەر لیترێک دابەزیوە.

پێشتریش لە هەولێر، بەهۆی زیادکردنی بڕی بەرهەمهێنانی بەنزین، هەر دوو کۆمپانیای لاناز و کار، نرخی بەنزینیان دابەزاند، بەتایبەت نرخی بەنزینی نۆرماڵ.