محەمەد خانی
“دەبێت لە ساڵی نوێدا خۆمان کۆن نەبین”
964+
کامیار کەمال- پێنجوێن
مامۆستایەکی زانکۆ سەبارەت بە ئامادەکارییەکان و پلانی ساڵی نوێ، ئامۆژگاری خەڵک دەکات لە ساڵی نوێدا خۆیان کۆن نەبن.
ئەمڕۆ یەکشەممە 15.12.2024، لە پێنجوێن کۆڕێک بۆ محەمەد خانی پڕۆفیسۆر و مامۆستای زانکۆ سەبارەت بە فێربوونی بەردەوام رێکخرا، تێیدا باسی لە گرنگیی بەردەوامی فێربوون کرد.
لە دوای کۆتاییهاتنی کۆڕەکە محەمەد خانی قسەی بۆ 964 کرد و سەبارەت بە رێکخستن و ئامادەکردنی پلانەکان بۆ ساڵی نوێ وتی، “دەبێت لە ساڵی نوێدا خۆمان کۆن نەبین و لە ساڵی نوێشدا وا بیر بکەینەوە ئەو ساڵەی تێیداین یەکێک بووە لە ساڵە نوێیەکان.”
وتیشی، پلانیان وایە بۆ ساڵی نوێ لە بواری پەروەردە و فێرکردن هەنگاوی زیاتر بنێین و چالاکی زیاترمان هەبێت.
ئەوەشی خستەڕوو، خەڵکی هەرێمی کوردستان، ئامادەییان هەیە بۆ فێربوون و دەشیەوێت لە هەرێمی کوردستانەوە تازەگەری دروست بکات.
پێداچوونەوە: ژێوار خدر
