دەنگۆی نەخۆشکەوتنی سەرۆکی هەرێم رەتکرایەوە

شۆڕش قادری

وتەبێژی سەرۆکایەتی هەرێم دەنگۆی نەخۆشکەوتنی نێچیرڤان بارزانی سەرۆکی هەرێم رەتدەکاتەوە و دەڵێت، ئەو دەنگۆیانە دوورن لەڕاستییەوە و ئەرکەکانی جێبەجێ دەکات.

دڵشاد شەهاب وته‌بێژى سه‌رۆكايه‌تيى هه‌رێمى كوردستان له‌ لێدوانێكدا بۆ ماڵپه‌ڕى سه‌رۆكايه‌تى رایگەیاند، “چه‌ند پێگه‌يه‌كى تۆڕه‌ كۆمه‌ڵايه‌تييه‌كان ده‌نگۆيه‌كيان ده‌رباره‌ى ته‌ندروستيى نێچيرڤان بارزانى، سه‌رۆكى هه‌رێمى كوردستان بڵاوكردووه‌ته‌وه‌،  لێره‌وه‌ رايده‌گه‌يه‌نين كه‌ ئه‌و ده‌نگۆيانه‌ له‌ هه‌موو راستييه‌كه‌وه‌ دوورن و سه‌رۆك نێچيرڤان بارزانى به‌ شێوه‌يه‌كى ئاسايى ئه‌ركه‌كانى جێبه‌جێ ده‌كات”.