شەش تیم بەشداری کوژاندنەوەی ئاگرەکەیان کرد
ئاگرەکەی سەر رێگای گوێر – هەولێر کۆنتڕۆڵ کرا و کوژایەوە
964+
شۆڕش قادری
ئەو ئاگرەی لەناو کۆگاکانی سەر رێگای هەولێر – گوێر کەوتبووەوە، کۆنتڕۆڵ کرا و کوژایەوە.
شاخەوان سەعید وتەبێژی بەرگری شارستانی هەولێر بە 964ـی وت، “کەمێک لەمەوبەر ئاگرەکەی ناو کۆگاکانی سەر رێگای گوێر کۆنتڕۆڵ کرا و بەتەواوەتی کوژایەوە”.
وتیشی، شەش تیمی بەرگری شارستانی هەولێر بەشداری کوژاندنەوەی ئاگرەکەیان کردووە.
سەبارەت بە زیانەکانی ئاگرەکەش، شاخەوان سەعید وتی، زیانی گیانی نەبووە و زیانی ماددیش تەنها ژمارەیەک کارتۆنی بەتاڵ سووتاون.